Sa India, ginpa-utod gid sang isa ka lalaki ang iya tiil agud makasulod sa medical school.
Pareho sang ginatos ka pamatan-on sa India, nagahandum man ang 20 anyos nga si Suraj Bhaskar nga mangin isa ka doctor kag agud mapabugal man sia sang iya pamilya.
Apang bangud sang mabudlay nga competition, makaduha ka beses nga wala ini nakapasar sa NEET medical school admission exam.
Apang wala pa diri nagtapos ang iya handum.
Ginasuspetsahan siya sang otoridad nga ginhungod nga ginpa-utod ang iya tiil kag ginpagwa nga biktima ini sang pagpangastigo agud lang makasulod sa medical school sa idalom sang disability quota sang institusyon.
Base sa layi sa India, dapat may i-reserve nga 5 percent para sa person with disabilities (PWDs) sa government kag government-aided higher education institutions, lakip na sa medical colleges.
Natukiban ang ginhimo niya sang nag-report sa pulis ang iya magulang nga ginkastigo ang iya manghod sang mga wala nakilal-an nga suspek rason nga nalipong ini kag na-utdan sang tiil. Kasunod sini, nagpatigayon sang imbestigasyon ang otoridad kag nakitaan sang pagsalangisag.
Didto kag natukiban nga hungod niya nga gin-utod ang iya tiil para sa iya handum nga mangin doctor.
