Madamo sang nagabakal sang bulak subong nga adlaw sang Valentine’s day apisar nga may yara sang pagsaka sa presyo.
Sa interview sang Bombo Radyo kay Rosalina Emmanuel, flower vendor sa Barangay Mandalagan, kaina sang kaagahon bisan wala pa sang silak sang adlaw, may yara na sang nagbakal sang bulak.
Suno diri, kalabanan sa mga nagabakal mga lalaki para ihatag sa ila kahagugma kag pamilya.
Apang, indi lamang flower bouquet ang ila gina-offer bangod nagahimo man sila sang money bouquet.
Ang ila mga bulak nagapresyo sang P150, P300, P500, P800, P900, P1,000 tubtob sa P2,000.
Para kay Emmanuel, makabig nga importante ang paghatag sang bulak sa adlaw sang Valentine’s day sa pagpakita sang pagpalangga sa kahagugma ukon pamilya.
Kun papilion si Emmanuel, una sini nga hatagan sang bulak ang iya ginikanan, sunod ang iya darling, bata kag mga abyan.
Ginalauman naman sini nga maubos tubtob bwas ang ginabligya sini nga bulak bangod masami may yara pa sang nagahingagaw matapos ang Pebrero 14.
