Arestado ang siyam ka mga persona nga gina-alegar involved sang illegal mining activities sa ginpatigayon nga Joint Enforcement Operation ang Criminal Investigation and Detection Group (CIDG) Negros Occiental sa Zone 10, Brgy. Bacuyangan, Hinoba-an kahapon, Pebrero 27.
Ginkilala ang mga suspetsado nga si alyas “Berto” 53-anyos, driver kag resident sang Brgy. Talacagay, Hinoba-an, alyas “Jo” , 27-anyos, generator operator residente sang Brgy. Santo Nino, Cataingan, Masbate, alyas “Chris”, 23-anyos, generator operator kag residente sang residennte sang Barobo, Surigao Del Sur, alyas “Dio”, 31-anyos, backhoe operator kag residente sang Rawari Kitao-tao, Bukidnon, alyas “Leo” male, 40 years old, generator operator kag residente sang Surigao Del Norte, alayas “Ran” 57-anyos, alyas “Dan”,46-anyos, backhoe operator kag residente sang Brgy. Cabasalan, Zamboanga Sibugay, alyas “Ed”,40-anyos Backhoe Operator kag resident of Mati City, Davao Oriental kag si “Zhi”, 38-anyos, mining manager nga residente sang Brgy. 2, Hinoba-an, Negros Occidental.
Sa inisyal nga impormasyon, nakabaton sang report halin sa isa ka concened citizen ang Criminal Investigation and Detection Group, Provincial Field Unit nga may illegal small-scale mining operation sa area.
Nagkoordiar ang mga operatiba sa Mines and Geosciences Bureau (MGB) kag didto natukiban nga wala ini sang permit.
Nagpatigayon ang mga operatiba sang casing kag surveillance operations kag pag-abot sa lugar, naaktohan gid ang mga nasambit nga indibidwal nga nagakuha sang mineral resources nga wala sang nagakaigo nga authority ng nagresulta sa ila pagkadakop.
