Gilayon nga narecover sang kapulisan ang salakyan nga gincarnap sa Bacolod City kahapon.
Ang insidente ang natabo alas-8:30 kagab-i.
Ang biktima ang ginkilala nga si Ronel Baldonado, 60 anyos, kasado, residente sang Brgy Zone 14A, Talisay City.
Santo sa report, ginpick-up sang driver ang pasahero sa Business Inn, nga nagrequest nga siya ang idrop-off sa ACE Hardware sa Brgy 5.
Apang pagdangat sa 6th Lacson Street, Brgy 7, nag-ayo ang pasahero nga idul-ong ang laptop kay certain “Elen” nga suno diri empleyado sang Spa Lagoon.
Apang pagsulod sa establishimento, didto lamang nahibaluan nga wala sang empleyado nga Elen, gani gilayon ini nga naggwa, apang wala na ang salakyan.
Ang nataban nga salakyan ang isa ka Toyota Vios, 2022 model, CLP Taxi nga may body number nga 0240.
Gilayon nga nagpatigayon sang dragnet operation ang kapulisan tubtob nga nalocate kag narecover ang salakyan sa Santa Catalina St., Eroreco Subdivision, Brgy Mandalagan, Bacolod City ala-1:30 kaina sang kaagahon.
Nagakinagamo ang sulod sang taxi, nga nagapakita nga pwersaha nga gingamit kag dali-dali nga ginbiyaan ang salakyan.
Wala naman naabtan sang Bacolod Police Station 2 ang carnapper.
