Magahulat ang management sang Vallacar Transit Incorporated sang decision nagikan sa Central Office sang Land Transportation Franchising and Regulatory Board (LTFRB) kung isuspend ang pagsaka sa pamasahe kasunod sang announcement ni President Ferdinand Marcos Jr.
Sa interview sang Bombo Radyo Bacolod kay Jade Marquez, media relations officer sang Vallacar Transit Inc., sang Marso 14 pa sila nagpatuman sang fare increase bangud may yara na sila sang fare matrix.
Suno kay Marquez, wala pa ang kwaresma nagalukdo na sila sang kalbaryo bangud nagasaka lang nga nagasaka ang presyo sang gatong, apang sila ang 2022 pa sang ulihi nga nagpasaka sang pamasahe.
Pahayag sini nga sang 2024 pa sila nagrequest sang fare increase kag subong lamang nga 2026 naaprubahan, gani ginpatuman na nila ang bag-o nga fare guide.
