Wala pa nahibaluan kun diin naggikan ang armas-luthang nga gingamit sa pagpatay sa tatlo ka tuig nga lalaki sa Prk Mangga, Brgy Bunga, Salvador Benedicto, Negros Occidental sang Marso 19, 2026.
Sa interview sang Bombo Radyo kay PMaj Ellendie Rebusquillo, hepe sang banwa sang Salvador Benedicto, wala sang witness ukon CCTV amo nga nagasandig lamang sila sa statement sang mga ginikanan.
Suno diri, ang tatlo ka tuig nga lalaki yara sa sulod sang balay kaupod ang iya duha ka tuig nga hinablos sang hinali na lang may nabatian nga lupok ang iloy nga yara sa gwa sang balay.
Suno kay Rebusquillo, wala man sa lugar ang amay sang natabo ang insidente.
Nakit-an na lamang ang tatlo ka tuig nga lalaki nga wala na sang kabuhi kag may igo sang bala sa dughan nga naglapos sa iya likod.
Ginpahayag sang amay nga wala ini sang may ginatago nga armas-luthang kag suno sa iloy sa iya paghibalo wala sang armas-luthang ang iya bana.
Narekober sa area ang improvised nga armas-luthang nga gingamit sa natabo nga accidental firing incident.
