Tricycle Driver, ginabulos-bulos na lamang ang pagbyahe kag pagpananom bangod sa tuman nga pagmahal sang gatong

Alternate nga byahe kag pananom ang isa sa mga pamaagi sang isa ka tricycle driver sa ciudad sang Bacolod agud makakinot kasunod sa tuman nga pagsaka sang presyo sang produktong petrolyo.

Sa interview sang Bombo Radyo kay Romelo Valenzuela, wala na sila sang may mahimo kundi magpadayon sa gihapon sa pagbyahe apisar sa tuman nga pagsaka sang presyo sang gatong bangud ini lang ang iya pangalabuhian.

Suno kay Valenzuela, tuman na ka pigado subong bangud sa kamahal sang gasolina kag nagdutay pa gid ang pasahero bangud ang iban ang wala na gapanindahan kag nagakinot man.

Suno diri, nagdangat na sa P550 ang iya ginatughong nga gasolina nga sang una P350 lang.

Dugang pa, naga sideline iya ubra kag nagatanom sang mga pwede makaon agud nga makakinot.