Ginpahayag sang presidente sang Federation of Irrigators Association Central Negros Bago River Irrigation System (FIACN BRIS) nga mas ginaproblema pa sa karun sang mga mangunguma ang saka sa presyo sang produktong petrolyo sangsa epekto sa pananom sang abo nga ginabuga sang bulkan Kanlaon.
Sa interview kay Pedro Limpangog, padayon ang ila paglaum nga may yara man sang ayuda nga ihatag sa mga mangunguma.
Suno diri naga-gamit sila sang gatong para sa mga makinarya nga ginagamit sa pangpanguma, pagtransport sang ila produkto kag nagagasto sang dako bangod nagsaka man ang presyo sang abono.
Suno kay Limpangog, dapat nga may ayuda man ang mga farmers agud malab-ot ang ginahandum nga food security.
Pahayag sini, bangod mahal na ang tanan, imbes nga madamo nga sako sang abono ang mabakal, pipila na lamang ang ila masarangan kag ini nagaresulta sa manubo nga produksyon.
Pahayag sini, para sa mga mangunguma mas dako pa ang ila ginaproblema sa epekto sang pagsaka sang presyo sang produktong petrolyo kag presyo sang abono sang sa problema sa epekto sang abo sa ila mga pananom.
