Ginaagda sang Diocese of Bacolod sa mga tumuluo nga Katoliko nga tambungan ang Chrism Mass nga patigayunon sa Huwebes, Maundy Thursday.
Sa interview sang Bombo Radyo Bacolod kay Fr. Justin Ian Arca, secretary sa Commission on Liturgy sang Diocese of Bacolod, ang mga simbahan ang magapatigayon sang Chrism Mass kun sa diin bendisyonan ang balaan nga lana ukon holy oil.
Pahayag sini nga may lainlain nga sakramento ang lana nga ginalakpan sang oil of catechumens ukon para sa bunyag ukon baptism, kag para sa nagamasakit.
Ang oil of Chrism ang indi ordinaryo nga lana.
Ini ang pure olive oil nga may simbog nga pahamot.
Kasubong man magapatigayon sang renewal sang priestly vows ang mga kaparian.
Napreparar na sang mga San Sebastian Cathedral ang basbasan nga lana kasubong man ang ila nga vest nga suksukon sa selebrasyon nga maga-umpisa alas-8:00 sang aga.
Yara naman sa kapin 100 nga kaparian sa nasakupan sang Diocese of Bacolod nga natalana liwat nga magapanumpa.
