Nagapanawagan ang grupo sang mga manugtanum sang utan sa Barangay Alangilan, Bacolod City nga mahatagan man sila sang bulig sang Bacolod City Government.
Sa interview sang Bombo Radyo Bacolod kay Judy Jenson Jr., presidente sang Bacolod City Integrated Small Farmers Federation, ang Barangay Alangilan ang nagapanguna nga nagasupply sang utan sa Libertad Public Market apang bangud sa krisis nga ginapangatubang nila sa karun, nagbarato man ang pagkuha sang ila produkto sang mga middleman.
Suno kay Jenson, ang gasto nila sa pagtransport sang ila nga produkto ang halos katunga na ang ginsaka sa nakaligad nga presyo.
Suno diri, wala na sang nagapasugot nga P500 lang ang bayad sa pagtransport sang mga utanon halin sa Barangay Alangilan padulong sa Libertad Public Market.
Subong nga adlaw, nakaschedule sila nga maghinun-an kay Bacolod City Mayor Greg Gasataya, kag nagalaom ini nga mabuligan sila bangud dako na ang ila nga gastos sa pagtanum kag pagharvest.
Dugang pa sini nga apisar barato ang kuha sa ila sang buyer, tuman na kamahal kun ibaligya sa merkado.
