May napilasan nga suldado sa duha ka engkwentro nga naglunatd sa tunga sang 79th Infantry Battalion sang Philippine Army kag remnants sang Northern Negros Front sang New People’s Army sa banwa sang Calatrava, Negros Occidental.
Una nagluntad ang engkwentro sa Sitio Pinyahon, Brgy Minautok, alas- 8:35 kaina sang aga.
Sa interview sang Bombo Radyo Bacolod kay 1st Lt Fevie Fajardo, civil military officer sang 79th IB, ginabanta pito ka NPA ang naengkwentro sang militar.
Suno diri, may ginpadala na para mag-assist sa mga pumuluyo nga malapit sa encounter site para ma-evacuate ang mga residente.
Suno kay Fajardo, tatlo na ka semana nga ginsundan ang mga NPA nga amo ang mga suspek sa natabo nga pagpamatay sa mga inosente nga sibilyan sa ciudad sang Escalante.
Suno kay Fajardo, sa inisyal nga impormasyon, ang pito ka NPA gina-alegar nga grupo ni Roger Fabillar alias Arnel Tapang ukon Jhong ukon Nono.
Samtang, ang ikaduha nga engkwentro nagluntad sa Sitio Proper, Brgy Minautok, alas- 8:45 sang aga.
Ginabanta pito ka NPA sa gihapon ang naengkwentro sang militar kun sa diin ang pagbaylohanay sang lupok naglawig sang kapin lima ka minutos antes nagpalagyo ang mga rebelde.
