Ginkumpirmar sang commander sang 62nd Infantry Battalion sang Philippine Army nga may yara sang nagluntad nga engkwentro sa tunga sang militar kag katapo sang New People’s Army sa Sitio Nabuluan, Barangay Binalbagan, Canlaon City, Negros Oriental kaina alas 3:00 sang kaagahon, Abril 21.
Sa interview sang Bombo Radyo Bacolod kay Lt Col. Divar Crisostomo, may yara sang naengkwentro ang tropa sang 62nd Infantry Battalion sang Philippine Army nga kapin napulo ka katapo sang Central Negros Front 1.
Suno kay Crisostomo, nagdugay sa napulo ka minutos ang pagbayluhanay sang lupok.
Wala sang nasamaran sa tropa sang gobyerno kag ginatumod pa kun may yara sang casualty sa bahin sang rebelde nga grupo.
May nakuha naman gamit kag pusil nga ginapanag-iyahan sang rebelde sa encounter site.
Nagapadayon naman sa karun ang hot pursuit operations sang militar.
