Ginpahayag sang isa ka engineer sang Department of Public Works and Highways (DPWH) nga si anay Undersecretary Catalina Cabral ang gina-alegar nagmando nga ilakip si former senator Ramon “Bong” Revilla Jr. bilang project proponent sa pila ka mga proyekto, lakip ang kontrobersyal nga flood control project sa Pandi, Bulacan.
Sa hearing sang Sandiganbayan, ginpahayag ni Engr. Peter Paul Cortes nga ginlakip ang pangalan ni Revilla sa amended 2025 budget proposal nga may errata sang Setyembre 2024, nga ginpirmahan nanday Cabral kag anay DPWH Secretary Manuel Bonoan, kag ginsumiter sa House Committee on Appropriations.
Suno kay Cortes, ang paglakip sang pangalan sang mga proponents sa database sang ahensya ang base sa direktiba ni Cabral, kag ginabaton man ang mga request apang dapat may endorsement gikan sa iya ukon nalakip sa regional budget proposal.
Samtang, wala naman nakatambong sa hearing si Revilla bangud sa migraine.
Nakatalana naman nga magtestigo ang iban pa nga opisyal sang DPWH sa masunod nga mga inadlaw angot sa nasambit nga kaso.
