Presyo sang kada kilo sang bugas, mahimo magdangat sa P62 sa Setyembre

Gin-anunsyo sang Department of Agriculture (DA) nga mahimo maglab-ot sa P62 ang kada kilo sang bugas sa Setyembre.

Ini bangud sang mataas nga presyo sang abono tuga sang nagapadayon nga tensyon sa Middle East.

Sa Proactive Response and Oversight for Timely and Effective Crisis Strategy (PROTECT) committee hearing, ginpahayag ni Agriculture Secretary Francisco Tiu Laurel Jr. nga mahimo magdangat sa P1,650 tubtob P3,000 ang presyo sang abono.

Suno kay Laurel nga antes ang kinagamo sa rehiyon, yara lang sa P42 ang kada kilo sang bugas.