Malawig ang pagluntad sang ash emission sa bulkan Kanlaon kahapon santo sa record sang Philippine Institute of Volcanology and Seismology (PHIVOLCS).
Sa interview sang Bombo Radyo Bacolod kay Engineer Mari Andylene Quintia, resident Volcanologist sang Kanlaon Volcano Observatory, kahapon may apat ka ash emission event nga nagluntad.
Suno diri, alas- 6:27 sang aga nag-umpisa sa pagbuga sang abo ang bulkan nga gilayon ginsundan sang isa pa gid ka ash emission event nga natapos alas- 8:16 sang aga.
Apang sang hapon, ala- 1:25 sang hapon liwat naman nga nagbuga sang abo ang bulkan nga natapos alas- 2:06 kag ginsundan pa gid sang isa ka ash emission event alas- 2:09 sang hapon nga naglawig tubtob alas- 2:41.// Nagdangat naman sa 900 meters ang kataason sang ash emission kag ini may kaupod nga volcanic tremor event.
May pito ka volcanic tremor event nga narecord alas- 4:00 sang hapon kun sa diin may narecord nga 22 ka low frequency volcanic earthquake.
Pahayag ni Quintia, yara sa gihapon sa alert level 2 ang status sang bulkan amo nga ginalauman nga aktibo ang bulkan.
