Kapin 199,000 ka mga indibidwal ang apektado sang nagapadayon nga unrest ukon pag-alburuto sang Bulkan Mayon, santo sa Department of Social Welfare and Development (DSWD).
Suno kay DSWD spokesperson Irene Dumlao, masobra 52,000 ka mga pamilya ang naapektohan sang aktibidad sang bulkan kag 1,444 ka mga pamilya ukon katumbas sang 5,459 ka mga indibidwal ang sa karon nagapabilin sa mga evacuation center.
Kasunod sang narecord nga strombolian eruption sang weekend, gilayon nga nanagtag ang ahensya sang family food packs sa mga apektado nga komunidad.
Ginsiguro man sang DSWD nga mga supisyente nga pagkaon, tubig, kag non-food items ang mga internally displaced persons, ilabi na ang mga yara sa evacuation centers.
Sa subong, masobra 71,000 ka family food packs na ang napanagtag bilang bulig sa mga lokal nga panguluhan.
Sa pinakaulihi nga datos, nagdangat na sa P117 million ang kabug-usan nga nahatag nga humanitarian assistance sang DSWD hanggang kahapon sang umaga.
