Nagbunggoanay ang mga pahayag sa plenaryo sang Kamara kahapon matapos magbaylohanay sang argumento ang duha ka neophyte lawmakers naggikan sa Batangas nga sanday Rep. Leandro Leviste kag Rep. Ryan Recto.
Maisog nga nagpanawagan si Leviste sang imbestigasyon natuhoy sa ginaalegar koneksyon ni Executive Secretary Ralph Recto kay Construction Workers Solidarity Rep. Edwin Gardiola nga nalakip sa kontrobersyal nga “flood control scandal.”
Gilayon man nga nagsabat si Rep. Ryan Recto kag hugot nga ginpanginwala ang mga alegasyon ni Leviste batok sa iya amay.
Ginkwestiyon pa sini ang motibo kag basehan ni Leviste sa nasambit nga isyu.
Suno kay Recto “purely professional” lamang ang nangin koneksyon sang Executive Secretary kag ni Gardiola.
Ang pagbinaisay ang nagtuga sang tensyon sa sulod sang plenaryo kag mahimo magresulta sang mas madalom nga oposisyon sa tunga sang mga bag-o nga henerasyon sang mga mamalidha sa Batangas.
