38 ka Pilipino nga sakay sa cruise ship nga nakarecord sang outbreak sang hantavirus, wala sang sintomas suno sa DOH

Ginkumpirmar sang Department of Health nga luwas kag wala sang may ginabatyag nga balatian ang 38 ka mga tripulante nga mga Pilipino nga sakay sa cruise ship nga ginapatihan may outbreak sang hantavirus.

Suno kay DOH spokesperson Albert Domingo, base sa impormasyon naggikan sa World Health Organization (WHO) paagi sa International Health Regulations, wala sang sintomas ukon sakit ang mga Pinoy crew members.

Dugang pa, ang sitwasyon ang wala sang threat sa pungsod kag sa ikaayong lawas sang mga Pilipino bangud nagapabilin nga naka-quarantine ang mga tripulante sakay sang cruise ship nga MV Hondius.

Ang barko ang sa karon naka-angkla sa baybayon sang Cape Verde sa Atlantic Ocean, nga malayo sa Pilipinas.