22 anyos nga babayi, arestado sa drug buybust operation sa Brgy 3, Bacolod City

Arestado ang 22 anyos nga babayi sa drug buybust operation nga ginpatigayon sa Prk Lubi, Brgy 3, Bacolod City alas-3:13 kaina sang kaagahon.

Ang subject person ang ginkilala nga si Alyas Mimi, 22 anyos, wala sang trabaho, residente sang nasambit nga lugar.

Ang operasyon ang ginpatigayon sang City Drug Enforcement Unit sang Bacolod City Police Office.

Narecover kay Mimi ang walo ka sachet sang suspected shabu nga ginabanta nagabug-at sang 50 gramos, nga may standard drug price nga P340,000.

Ang naaresto ang sa karun yara na sa kustodiya sang Bacolod Police Station 2 kag natalana mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.