Patay ang 21 anyos nga backrider matapos maaksidente ang ginasakyan nga motorsiklo sa Sitio Kanding, Brgy Camingawan, Kabankalan City Negros Occidental.
Ang backrider ang ginkilala nga s Alyas Joe, 21 anyos, lalaki, single, college student, residente sang Sitio Nia, Brgy Canlamay, Ilog; samtang ang driver naman amo si Alyas Joy, 25 anyos, babayi, college student, residente sang Relocation Site, Brgy 9, Kabankalan City.
Sa nakuha nga impormasyon sang Kabankalan City Police Station sa lola sang napatay, ang duha ang yara sa impluwensya sang makahulubog nga ilimnon.
Suno diri, gikan ang duha sa isa ka cafe kag padulong kuntani sa Central Philippine State University (CPSU) Main Campus sa Brgy Camingawan.
Ginadala ni Joy ang Suzuki Skydrive nga motorsiklo sang siya ang hinali nga nadulaan sang balanse kag nadulaan sang kontrol sa motorsiklo gani sila ang nagtugaplak sa dalan.
Ang duha ang parehas nga nag-angkon sang samad sa ulo, kag parehas nga gindala sa Lorenzo D. Zayco District Hospital para mabulong.
Ang driver ang gilayon nga na-out patient samtang ang backrider ang ginbawian sang kabuhi samtang ginabulong sa ospital.
