Magasugod na sa Hunyo 1 tubtob Hunyo 5 ang Brigada Eskwela sa ciudad sang Bacolod.
Sa interview sang Bombo Radyo kay Dr. Dennis Develos, School Division Superintendent sang Department of Education Division of Bacolod City, gina-imbitar sini ang tanan nga ginikanan nga magkooperar sa pagsugod sang Brigada Eskwela bangud suno diri, para ini sa ila nga mga kabataan.
Suno kay Develos, sa Hunyo 1 may ara sila sang Regional activity sa Division of Talisay City sa aga samtang sa hapon naman may patigayunon sila nga programa sa Bacolod City National High School.
Ginpaathag sini nga ini ang importante bangud indi na kinahanglan nga ang mga kabataan ang magpalimpyo bangud magabinuligay ang mga ginikanan, mga satff sang eskwelahan, mga teachers kasubong man ang mga private sectors.
Samtang, lauman ang pagpanagtang sang libre nga school supplies sa Hunyo 5.
Madumduman nga ginpahayag ni Bacolod City Mayor Greg Gasataya nga may ipanagtag nga libre nga school supplies kag bag halin kinder tubtob grade 6 samtang halin grade 7 to 12 makabaton naman sang School bag kag PE Uniform.
Nagpasalamat si Develos sa Bacolod Local Government Unit kasubong man kay Mayor Greg Gasataya sa paghatag sang suporta sa DepEd.
