Naigo sang ginatos ka mga drone kag missile ang Kyiv kag mga kaingod sini sa pungsod sang Ukraine.
Santo sa report, ang pagpang-atake ang ginlunsyar sang Russia, kag isa ini sa pinakadako nga pag-atake humalin sang nag-umpisa ang apat ka tuig nga gyera.
Santo sa mga opisyal sang Ukraine, apat ang nautas ang kabuhi samtang indi naman magnubo sa 100 ang pilason matapos ang pila ka oras nga “overnight attack”, sa diin madamo nga mga residential nga mga establisyemento kag mga buluthuan sa sentro sang Kyiv ang naguba.
Nareport man ang paggamit sang Oreshnik hypersonic missile malapit sa kapital.
Nagpanawagan naman si Ukrainian President Volodymyr Zelenskyy sa mga kaalyado sang pungsod nga gilayon maghimo sang tikang batok sa Russia, kag ginpakigbato nga dapat may yara sang mga konkreto nga desisyon naggikan sa Estados Unidos, Europa, kag iban pa nga pungsod.
