Ginalantaw nga makaginhawa na ang mga magabiyahe kag natalana nga maga-book sang flights halin Hunyo 1 tubtob 15, 2026.
Ini matapos nga ginpanubuan na ang passenger fuel surcharge.
Kasunod ini sang ginpagwa nga advisory sang Civil Aeronautics Board (CAB) natalanga nga panubuon sa Level 13 ang fuel surcharge para sa una nga katunga sang Hunyo, halin sa Level 15 para sa Mayo 16 tubtob 31 nga period.
Ginapatuman sang CAB ang mas manubo nga period nga 15 ka adlaw halin sa isa ka bulan para sa fuel surcharge level adjustment bilang interim kag temporaryo nga tikang sa tunga sang pabag-o-bag-o nga presyo sang gatong.
Sa idalom sang Level 13, magabayad sang P423 tubtob P1,237 nga fuel surcharges ang mga pasahero para sa domestic flights, nadepende sa distansya, samtang P1,396.74 tubtob P10,385.42 naman sa international flights halin sa Pilipinas.
