Liwat nga gindagdagan sang City Legal Office sang Bacolod City ang mga stalls sang Asenso Market sa Barangay Alijis, Bacolod City sang notice to vacate.
Nahibaluan nga 27 ka notices ang gin-issue sa 51 tanan nga stalls.
Sa interview sang Bombo Radyo Bacolod kay Atty. Karol Joseph Chiu, ginkumpirmar sini nga nag-issue sila sang notice to vacate sa stalls sa nasambit nga Barangay.
Suno kay Chiu, ang kahalam-utan diri amo nga ang Barangay ang nag-apply agud nga mapahatagan ang mga ini sang special permit apang bisan isa ang wala nagkuha sang special permit sa Bacolod Permits and Licensing Office sang sila ang ginpahanugutan na.
Suno diri, gindagdagan man sang CLO si Punong Barangay Deogracias Dela Vega sang notice to explain para magpaathag sa pagtugot sang pagbaligya bisan wala sang special permit.
