52 anyos nga babayi, nakuhaan sang masobra P1.4 million nga balor sang suspected shabu sa Brgy 27, Bacolod City

Masobra P1.4 million nga balor sang suspected shabu ang narecover sa isa ka drug buybust operation nga nagresulta sa pagkaaresto sang isa ka high-value individual (HVI) sang Hunyo 15 sa Purok Star Apple 2, Barangay 27, Bacolod City.

Ginkilala ang subject person nga si Mary Rose Guillero alyas “Sapsap,” 52-anyos, kasado, kag residente sa nasambit nga lugar.

Nakumpiskar ang 210 grams nga suspected shabu kalakip ang buybust item, anum ka heat-sealed nga pakete sang ilegal nga droga, nga may kabug-usan balor nga P1,428,000.

Yara sa karon ang subject person sa Bacolod Police Station 4 para sa dokumentasyon samtang ginapaidalom sa laboratory examination ang mga nakuha nga ebidensya.