Patay ang 53 anyos nga lalaki matapos nga malumos sa irigasyon sa Purok Langka, Barangay Caridad, Bago City, Negros Occidental sang Domingo sang hapon, Hunyo 14.
Ginkilala ang biktima nga si Jonel Tarcita, 53 anyos, single kag residente sang nasambit nga lugar.
Sa interview sang Bombo Radyo Bacolod kay Police Senior Master Sergeant Erwin Jamandre, investigator on case sang Bago City Police Station, kahapon alas 7:40 sang aga ginreport sang force multiplier nga si Roy Taladera ang drowning accident sa irrigation canal.
Suno kay Jamandre, paagi sa personnel sang Bago City Disaster Risk Reduction, Philippine Coast Guard sa banwa sang Pulupandan kag opisyales sang Barangay Caridad, nakita ang bangkay sang biktima.
Nakilala ang biktima bangud sa ginasuksok nga itom nga shorts.
Ginpahayag nga ang biktima ang masami man nga ginahatagan sang mga pumuluyo sang pagkaon bangud residente man ini sang Barangay Caridad, Bago City kag ini ang madugay na nga nagasuprer sang balatian nga tubercolosis.
