Nagpasugot ang Iran nga “i-dillute” ukon buhinan ang ila mga natipon nga enriched uranium ukon mga kemikal nga ginagamit para sa pag-ubra sang nuclear weapons.
Santo sa mga opisyal sang Estados Unidos, isa ini ka madako nga kadalag-an para sa Amerika bangud nagpasugot na ang Iran nga gub-on ang ila stockpile sang uranium.
Kalakip sa detalye sang kasugtanan ang ginatawag nga “Down Blending”, isa ka proseso sa diin ginahaluan sang depleted uranium ang mga nakaipon nga enriched uranium sa mismo nga pasilidad sang Iran.
Patigayunon ini sa idalom sang hugot nga pagbantay sang International Atomic Energy Agency (IAEA) agud masiguro nga indi na ini maggamit sa paghimo sang atomic bomb.
Yara man sa kaundan ang pahanugot sa Iran nga makabaligya na liwat sang ila langis sa merkado kadungan sang pormal nga pagbukas sang Strait of Hormuz.
Nagpaandam naman si U.S. President Donald Trump sa Iran nga kun indi ini magsunod sa kasugtanan sa sulod sang 60 ka adlaw, mahimo magalunsyar liwat sang pagpang-atake sa mga pasilidad sang Iran.
