Ginpadayon sang United States ang ila nga winning streak matapos ang 2-0 nga kadalag-an kontra Australia sa FIFA World Cup 2026.
Nauna nga maka-score ang USA matapos ang isa ka ‘own goal’ ni Cameron Burgess sa ika-11 minutos antes gindoble ni Alez Freeman ang advantage sa ika-43 minutos sang hampang.
Kontrolado sang mga Amerikano ang hampang sa halos tanan nga aspeto, kaangay sang 63 percent possession kumpara sa 37 percent sang Australia.
Nakarecord man ang USA sang walo ka tira sa diin duha diri ang nag-igo sa target, samtang lima naman ka shot ang nahimo sang Australia.
Mas organisado man ang hampang sang USA nga may 494 nga total pass kag may 87 percent pass accuracy.
Bangud sa ini nga kadalag-an, nagapabilin nga nagapanguna ang USA sa Group D nga may anum na ka puntos.
Samtang, yara naman sa ikaduha nga pwesto ang Australia nga may tatlo ka puntos.
