Nasiguro na sang Egypt ang ila pwesto sa Round of 16 matapos ginlutos ang Australia, sa final score nga 4-2 sa penalty shootout, kasunod sang patas nga 1-1 sa regular nga oras sa FIFA World Cup 2026 Round of 32.
Nauna nga nakapuntos ang Egypt sa ika-13 minutos paagi kay Emam Ashour, antes nabalanse ang hampang hampang sa ika-55 minutos matapos ang own goal ni Mohamed Hany nga indi hungod nga mapasulod ang bola samtang nagadepensa ini.
Nagpabilin nga patas ang hampang tubtob matapos ang extra time, nga nagresulta ang match sa penalty shootout.
Sa shootout, mas nangin kalmado kag mas epektibo ang Egypt, nga madinalag-on nga nakapasulod sang apat samtang duha lamang ka penalty kick ang napasulod sang Australia.
Nakabaton naman sang duha ka yellow card ang Egypt.
Sa ulihi, mas nangin epektibo ang compusure sang Egypt sa penalty shootout agud makuha ang ticket sa next round sang World Cup.
