Estable na ang kondisyon sang tatlo ka tuig nga bata nga dutayan lang malumos upod ang duha ka mag-utod nga menor de edad sa suba sa Purok Riverside, Barangay Tabunan, Bago City sang Biyernes, Hulyo 3.
Ginkilala ang napatay nga sanday Jeraldine Siwala, lima ka tuig, kag Jerome Siwala, tatlo ka tuig samtang ang naluwas naman amo si Marvin Ligaton, tatlo ka tuig nga lunsay mga residente sang nasambit nga lugar.
Sa interview sang Bombo Radyo kay Police Master Sergeant Magno Pahayupan Jr, Investigator on case sang Bago City Police Station, ginpahayag sini nga na-rescue ang tatlo ka tuig nga bata matapos nakita nga nagapa utaw-utaw sa suba kag nagpangayo sang bulig.
Apang ang mag-utod ang ginbawian sang kabuhi.
Suno kay Pahayupan, si Marvin ang na-trauma sa natabo kag indi pa ma-istorya.
Bangud suno diri, gina-alegar nga siya ang nagpanghangad sa mag-utod nga maligo sa suba.
Mensahe sini sa mga ginikanan nga bantayan sang maayu ang ila mga kabataan agud malikawan ang kaangay nga insidente.
Padayon pa ang imbestigasyon sang kapulisan angot sa insidente.
