-- ADVERTISEMENT --
Patay ang 34-anyos nga seaman matapos maaksidente ang ginamaneho nga motorsiklo sa National Highway sang Purok Lunok, Barangay Caridad, Bago City alas-8:20 sang gab-i, Hulyo 5.
Sa interview sang Bombo Radyo kay Police Senior Master Sergeant Erwin Jamandre, Chief Investigator sang Bago City Police Station, samtang nagabiyahe ang motorsiklo nga ginamaneho ni Lorenz Anthony Torib, 34-anyos, lalaki, single, seafarer nga residente sang Barangay Cabug, Bacolod City gikan sa Barangay Caridad padulong sa Barangay Poblacion sa ciudad sang Bago, nadulan ini sang kontrol kag aksidente nga nakabunggo sa poste.
Bangud sini, si Torib ang nakaagom sang injuries kag gilayon nga gindala sa ospital apang gindeklarar nga dead on arrival.
