Nagapati si PDP Deputy Secretary General for Visayas Atty Jayvee Hinlo nga valid ang pagbutang kay Senator Francis “Chiz” Escudero bilang presiding officer sa impeachment trial batok kay Vice President Sara Duterte.
Sa interview sang Bombo Radyo kay Hinlo, ang korte suprema lamang ang makahambal kun invalid ini, apang samtang nga wala sang direkiba halin sa supreme court, magapabilin nga lehitimo nga presiding officer si Escudero.
Suno diri, santo sa layi kun ang presidente sang Pilipinas ang ibutang sa trial, ang chief justice ang presiding officer samtang ang presumption naman nga mangin presiding officer ang senate president.
Suno kay Hinlo, ang ginapakigbato sang mag-utod nga senador nga Cayetano amo nga dapat ang senate president ang maga-preside sa tanan nga impeachment process magluwas lamang sa presidente.
Apang, pahayag ni Hinlo, santo sa constitution ang senado may kinamatarong nga maghimo sang ila rules angot sa impeachment proceeding.
Sa karun nga wala pa sang desisyon halin sa korte suprema, mapabilin nga lehitimo ang desisyon sang impeachment court kag iya lamang ginalauman nga mangin patas si Escudero bilang presiding officer sa impeachment trial ni Duterte.
