Pabor ang konsehal sa ciudad sang Bacolod sa hingyo sang Victorias City nga maghaboy sang ila residual waste sa Bacolod Sanitary Landfill.
Suno kay Commitee on Laws, Ordinances and Good Governance Chairman Councilor Al Espino, ginbaton na sang Sangguniang Panlungsod sang Bacolod ang Memorandum of Agreement (MOA) nga gin-endorse sang Solid Waste Management Board nga nagapahanugot sa Victorias City nga maga haboy sang Residual Waste sa Bacolod Sanitary Landfill.
Apang suno sa Konsehal, dapat may kondisyon nga kinahanglan anay talakayon lakip na diri ang teknikal nga aspeto agud masabat ang mga pamangkot antes mag-isyu sang approval.
Ginklaro man ni Espino nga ang rekomendasyon ang wala nagakahulugan nga ini ang aprubado na bangud sa ulihi ang dersisyon ang yara sa gihapon sa Sangguniang Panlungsod.
Pahayag sini nga suportado niya ang rekomondesyon kun ini ang mapresentar sang husto kag may maayu nga benepisyo sa ciudad sang Bacolod.
Ginpaathag man sang Konsehal nga indi dapat libre ang paghaboy sang residual waste agud makabawi man ang ciudad sa gasto sa operasyon sang Sanitary Landfill.
Nagapanawagan ini sa publiko nga indi magpalapta sang sala nga impormasyon sa baylo basehan ang benepisyo nga makuha sang ciudad sa pag-apbrubar sa nasambit nga request.
