Wala sang reported nga pagbaha kag landslide sa ciudad sang Sipalay kahapon.
Sa interview sang Bombo Radyo kay Sipalay City Disaster Risk Reduction and Management Office (DRRMO) Dionelo Bogtae, ginpahayag sini normal ang water level sa tanan nga suba sa ciudad sang Sipalay kag padayon ang ila pag-monitor.
Dugang pa, wala man sang narecord nga evauees sa ciudad.
Sa pihak sini, ginpahayag ni Bogtae nga may naeksperyensyahan nga buhawi sa Barangay Nabulao, sa nasambit nga ciudad kadungan sa paglaslas sang Bagyo Inday alas-11:00 kahapon sang aga.
Suno kay Bogtae, walo ka mga balay ang partially damaged kag may mga pananom man nga nahalitan sang buhawi lakip na ang mga kasagingan.
Pahanumdom sini sa mga pumuluyo ilabi na ang yara sa low lying kag flood prone areas nga mangin vigilante kag gilayon nga magreport sa otoridad kun may emerhensya agud madasig nga maaksyunan.
