Pormal nga ginhingyo sang House prosecution panel sa Senate impeachment court nga trempanuhon ang schedule sang pagtestigo ni National Bureau of Investigation (NBI) Director Melvin Matibag sa nagapadayon nga impeachment trial ni Vice President Sara Duterte.
Ginhingyo ni Prosecution Rep. Lorenz Defensor nga sayluhon ang pagtestigo ni Matibag subong nga adlaw, Martes, Hulyo 14, sa halip na sa orihinal nitong iskedyul na Miyerkules, Hulyo 15.
Nauna na nga magsulat si Matibag kay lead prosecutor Rep. Gerville Luistro nga kung mahimo tempranuhon ang iya nga testigo bangud gin-imbetar ini sa patigayunon nga Regional Summit on Scam Center Compounds and Transnational Organized Crime sa Bangkok humalin sa Hulyo 21 tubtob sa 22.
Ginhingyo sini nga mapresentar sa witness stand antes ang iya nga pagbiya agud indi maatrasar ang trial sa Senado.
Apisar nga wala ini ginpamatukan, nakita naman ni Senator-judge Alan Peter Cayetano nga posible nga mangin bad precedent ini.
Ginsegundahan naman ni Senator-Judge Sherwin Gatchalian ang pahayag ni Cayetano bangud mahimo maaapektuhan ang preparasyon sang tanan nga partido sa hinali nga pagbag-o.
Gin-athag naman ni Trial Presiding Officer Francis Escudero nga wala pa napa-subpoena ang NBI chief.
Ginpamatukan naman sang bahin sang depensa ang nasambit nga tikang bangud sa paglapas sa direktiba sang impeachment court nga 5-day witness rule kag ila nga kinamatarong para sa i-cross examine ang testigo.
Sa ulihi, ginmanduan sang korte ang prosecution nga isubmit ang mismo nga sulat ni Matibag kaupod ang iya nga travel authority agud matsekyar anay ini sang mga senador antes aprubahan ang pagbag-o.
Antes mag-adjourn ang Senate impeachment court sa ikaapat nga adlaw sang impeachment trial batok kay Vice President Sara Duterte, nag-motion si Senate President Win Gatchalian nga i-subpoena si Matibag sa Lunes, Hulyo 20 kag ini ang gin-aprubahan man bangud sang nagpamalabag.
Ginalauman nga maghatag sang detalye si Matibag angot sa nangin opisyal nga imbestigasyon sang NBI sa gina-alegar nga pagpamahog ni Vice President Sara Duterte batok kanday President Ferdinand Marcos Jr., First Lady Liza Marcos, kag anay House Speaker Martin Romualdez.
