Ginpahayag ni Negros Occidental Governor Eugenio Jose “Bong” Lacson nga 14 ka mga Local Governments Units sa probinsya ang nagreport nga may yara sang nagkalamatay nga mga baboy.
Suno kay Lacson, base sa July 13 nga report sang Provincial Veterinary Office, sa 14 nga nagreport sang hog deaths, lima lamang ka LGUs ang may yara sang positibo nga kaso sang African swine fever (ASF).
Sa report, indi magnubo sa 61,854 ang kabug-usan nga mga baboy sa probinsya kag 2,185 diri ang nagkalamatay ukon 3.53 porsyento.
inpahayag ni Lacson nga dako ang nabulig sang hugot nga pagsunod sa protocol, pagpatuman sang border control checkpoints, kag ang insakto nga paglubong kag pag-disinfect sa tion nga may mapatay nga baboy.
Sa karon, nagapadayon ang mga border control checkpoints nga ginapatuman sang mga LGUs.
