Liwat nga nagpanawagan ang gobernador sang Negros Occidental sa New People’s Army nga untaton na ang pagpamatay.
Sa interview kay Negros Occidental Governor Eugenio Jose “Bong” Lacson, nagakasubo ini bangud ang isa Filipino ang ginapatay man sini ang kaangay nga Pilipino.
Suno diri, padayon man ang ila pagpanawagan sa mga nabilin pa nga miyembro sang CPP-NPA nga magbalik na sabak sang gobyerno.
Suno kay Lacson, ang probinsya ang nakahanda sa paghatag sang bulig sa mga sa kutob sang ila masarangan.
Padayon man ang pagpanawagan sang gobernador nga untaton na sang mga rebelde ang pagpamatay.
Madumduman nga ang pinakaulihi nga gin-ako sang makawala nga grupo nga ila ginpatay amo sanday Alex Cunanan kag Jerome Seballos sa Gawahon, Barangay 11, Victorias City.
