Ipasubpoena na sang National Bureau of Investigation (NBI) ang pila ka mga opisyal sang Philippine Southeast Asian Games Organizing Committee (PHISGOC) sa Lunes, Hulyo 20.
Suno kay NBI Director Melvin Matibag, yara sa iya ang kopya sang mga pangalan nga padal-an sang subpoena.
Ginalakipan ini sang mga matag-as nga opisyal sang komitiba, lakip ang chairman, president kag incorporator sang kompaniya nga partner sa pagtukod sang kontrobersiyal nga New Clark City Sports Complex sa Tarlac.
Suno diri, kabahin ini sang fact-finding investigation sa paggamit sang pondo nga gintalana para sa 2019 Southeast Asian (SEA) Games.
Ginpasiguro sang NBI chief nga lagson sang gobyerno ang mga may kaangtanan diri.
Antes sini, ginpahayag sang opisyal nga posible man nga ipatawag si Department of Public Works and Highways (DPWH) Secretary Vince Dizon sa ila nga fact-finding investigation para mapamangkot natuhoy sa ginpatindog nga sports complex.
