Nagtindog si Senator Erwin Tulfo sa impeachment trial batok kay Vice President Sara Duterte kasunod sang nangin manifestation speech ni Senator Robin Padilla angut sa mga alegasyon kag mga reklamo nga ginpasaka sa iya sa Ombudsman sang damlag lang.
Suno kay Tulfo, ang impeachment court ang gintukod para mismo kay Vice President Sara kag indi para depensahan sang pila ka mga senador ang ila mga kaugalingon sa mga akusasyon batok sa ila.
Ginpunto sang senador nga wala man sang kaangtanan sa trial, mahimo nila ini obrahon sa iban nga pamaagi kaangay sang pagpa-interview sa Senate media ukon paagi sa ila mga social media accounts.
Ginpahayag man ni Tulfo nga dapat natuhoy lamang sa impeachment ang istoryahan sa kabug-usan nga oras sang trial kay VP Sara sandig man sa panugdaan nga, ‘Justice delayed is justice denied’.
Sa nagligad nga mga inadlaw sang impeachment trial, masami nga nagakaon sang oras ang mga manifestation sang pila ka mga senador ilabi na sang mag-utod nga sanday Pia Cayetano kag Alan Peter Cayetano sa diin personal nga mga isyu sa ila ang ila ginapatungdan.
