Patay ang isa ka menor de edad matapos madalasa sang Ceres Bus sa National Highway sa Sitio Sta. Ana Reles, Brgy. Mabini, Escalante City, ala-1:30 ang takna sang hapon, Hulyo 22, 2026.
Ang biktima ang menor de edad kag residente sang Sitio Sta. Ana, Brgy. Mabini, Escalante City, Negros Occidental.
Sa inisyal nga imbestigasyon, ang menor kaupod sang iya mga ginikanan ang nagsakay sa nasambit nga bus halin sa Sitio Sta. Ana padulong sa Escalante Public Terminal.
Sang nag-abot sa ila nga destinasyon, nagpanaog ang mga ini.
Ginahakwat sang konduktor ang bata kag ginbutang ini sa kilid sang dalan samtang ginakuha sang iya mga ginikanan ang ila mga gamit.
Apang wala matalupangdan sang kundoktor nga ang bata ang naglakat padulong sa atubangan sang bus samtang ang driver ang nagmaneho agud magbiya sa lugar.
Bangud sini, aksidente nga nadalasa ang bata kag nag-angkon sang patal nga pilas sa ulo.
May nakakita sa insidente kag ginsenyasan ang driver nga magpundo.
Gilayon man nga nagresponde ang mga personnel sang City Disaster Risk Reduction and Management Office (CDRRMO) kag gindala ang biktima sa Vicente Gustilo District Hospital apang gindeklarar nga Dead on Arrival (DOA).
Sa karun ang bus kag ang driver ang yara na sa kustodiya sang Escalante City Police Station for proper disposition.
