Nagpanawagan si President Ferdinand “Bongbong” Marcos Jr kahapon sa kamara kag Senado nga amyendahan ang Electric Power Industry Reform Act (EPIRA) agud nga kakason ang systems loss charges, kalakip na ang value-added tax (VAT) nga ginapasa kag ginasukot sa mga consumer sang kuryente.
Ang systems loss ang kuryente nga nadula samtang gina-distribute nga tuga man sang mga technical problem ukon tuga sang mga ilegal nga buluhaton kaangay sang jumpers ukon pagpangawat sang kuryente.
Sa idalom sang sa karun nga layi kaangay sang EPIRA kag Republic Act No. 7832 ukon Anti-Pilferage of Electricity and Theft of Electric Transmission Lines/Materials Act, ginapahanugutan ang mga distribution utility nga ipasa sa mga end-consumer ang kabahin sang systems loss paagi sa systems loss charge nga nakasaad sa bulanan nga bill sang kuryente.
Panawagan sang presidente nga naga-demand ang mga Pilipino para sa gilayon nga amendment sang EPIRA kag dumilian ang charging loss batok sa consumers kalakip na ang value added tax.
Gin-engganyo man sang Presidente ang mga mamalidha nga ipasar na ang Sariling Kuryente Act agud nga mas mapanubo pa ang balor sang kuryente para sa Pilipino.
