Pormal nga ginpakilala sang prosecution panel si Violeta Constantino, anay bank manager sa Land Bank of the Philippines – Shaw Boulevard Branch bilang una nga testigo sa Article 1 sang Impeachment trial batok kay Vice President Sara Duterte, ukon angot sa Confidential Funds issue.
Nahibaluan nga sa nasambit nga branch sang bangko nagwithdraw sang apat ka beses si Office of the Vice President Special Disbursing Officer Gina Acosta sang tig-P120 million nga balor sang tseke.
Sa ika-10 nga impeachment trial, ginsabat ni Constantino ang pamangkot ni House Prosecutor kag Manila Representative Joel Chua nga ang cash ang ginsulod sa tatlo tubtob apat ka malaba nga gym bags.
Ang encashments ang natabo sang Disyembre 20, 2022, Enero 31, 2023, Abril 18, 2023, kag Hulyo 13, 2023.
Pahayag pa sini nga ang orihinal nga tseke ang napanggisi na santo sa bank policy, kun sa diin may-ara lamang sang ginahatag nga one-year retention period.
Sang ginpamangkot ni Senator-Judge Raffy Tulfo kun normal ang kaangay kadako nga ginawithdraw nga kwarta sa bangko, sabat ni Constantino nga ini ang ‘unusual’ ang balor apang wala na nagduda bangod OVP ang nagawithdraw sang kwarta…Samtang, ginpamangkot ni Senator-judge Alan Peter Cayetano ang testigo nga si anay Land Bank of the Philippines-Shaw Boulevard Branch department manager Violeta Constantino kun nahangpan sini ang konsepto sang confidential funds sa gobyerno.
Ginbalikan ni Cayetano ang iya eksperyensya sang siya pa ang Secretary sang Department of Foreign Affairs (DFA) sang na-igo sang mabaskog nga bagyo ang pungsod.
Suno sa iya, kinahanglan sadto sang ahensya nga mag-withdraw sang P50 tubtob P100 million para sa disaster response.
Apisar nga nagaduha-duha siya sa una, ginpahayag sang Senador nga kinahanglan ang gilayon nga pagpaggwa sang pondo bangud sa sitwasyon sang pungsod.
Ginpaanggid niya ini sa sitwasyon sang Office of the Vice President (OVP) nga nag-encash sang pondo gikan sa bangko…ginpresentar sang House Prosecution panel ang Landbank checks nga payable sa pangalan ni former DepEd Special Disbursing Officer Edward Fajarda.
Sunod naman nga ginpresentar ni House Prosecutor kag Manila Representative Joel Chua ang tatlo ka iban pa nga tseke gikan sa Landbank of the Philippines nga parehas payable sa amo nga pangalan.
Ini ang palarehas nga nagabalor P37.5 million ang tatlo ka Landbank checks nga ginakabig ‘common evidence’ sang House sa Defense panel.
Wala naman nag-object ang Defense team sa presentasyon sang nasambit nga mga tseke.
Ginpahayag naman sang ikaduha nga Prosecution witness nga si Nenita Camposano, former manager sang Land Bank Department of Education branch, nga ginpaagi ni Edward Fajarda sa back room ukon fire exit ang ginwithdraw nga kwarta sa nasambit nga bangko.
Suno diri, ginsulod lamang ni Fajarda sa mga bag ang ginwithdraw nga kwarta, kag wala naman ginhilabtan sang mga empleyado sang bangko ang bulto sang kwarta sang ini ang nadaho na kay Fajarda.
Sa cross examination, ginpamangkot ni Defense counsel Atty. Michael Poa ang anay Landbank manager kun ini ang mahimo nga ginpatigayon para sa kaluwasan ni Fajarda, ilabi na nga mas malapit sa DepEd office kun sa back-room maga-agi…Ginkwestyon ni Senator-Judge Imee Marcos ang inconsistent nga statement sang Prosecution witness nga si Nenita Camposano, former manager sang Land Bank Department of Education branch.
Ini angot sa contrasting nga sabat sini sa Blue Ribbon Committee hearing sang Nobyembre 2024 kun sa diin siya ang nagsabat sang ‘Yes, Madam’ sa pamangkot kun ang dalagko nga encashments ang regular may kaangtanan sa description sini nga unusual ang cash encashment sang Office of the Vice President
Ginklaro sang witness nga ginkabig nila nga unusual ang encashment bangod ini lamang ang dako katama nga withdrawal sang DepEd sang siya ang bank manager… Ginkwestyon ni Senator-Judge Panfilo “Ping” Lacson ang prosekusyon kag depensa sa indi pagpresentar sang competent witness, kaangay sa retired intelligence officer, agud magtestigo sa paggamit sang confidential funds sang Office of the Vice President.
Ini ang nangin kwestyon ni Lacson sa iya manifestation, bangod sa ginapahayag sini nga quarterly nga withdrawal sang confidential funds.
Sabat naman ni House prosecutor Joel Chua nga ang prosekusyon ang nagreserba na sang witnesses, samtang si defense lawyer Michael Poa ang nagpahayag naman nga ang depensa ang magapresentar man sang ula kaugalingon nga witnesses kun kinahanglan.
Nagsabat naman sang lahog si Presiding Officer Chiz Escudero nga “confidential pa raw po.”
