SUV, nakabunggo sa concrete barriers sa tunga sang Araneta Street sa bahin sang Bgry Sum-Ag, Bacolod City matapos natulugan ang driver

Naglapta ang mga concrete barriers sa tunga sang Araneta Street sa Brgy Sum-ag, Bacolod City matapos aksidente nga ginsalakay sang isa ka SUV kaina alas-12:26 sang kaagahon.

Sa impormasyon sang Bombo News Team, ang puti nga Toyota Fortuner ang ginamaneho ni alyas Jolo, 26 anyos, soltero, residente sang Brgy 1, Kabankalan City.

Sa inisyal nga imbestigasyon sang Traffic Enforcement Unit sang Bacolod City Police Office, samtang nagabyahe ang SUV padulong sa norte, natulugan si Jolo bangod sa tuman nga kakapoy gani siya ang nadulaan sang kontrol sa manubela kag nagbunggo sa concrete barriers.

Nagkalapalos naman ang royda sang SUV bangod sa impact, apang apisar sini wala sang naagom nga samad ang driver.