Hugot nga ginpanginwala ni anay House Speaker kag Leyte Representative Martin Romualdez ang akusasyon sang Ombudsman nga siya ang gin-alegar nagmando agud bawion sang mga anay bodyguards ni former Congressman Zaldy Co ang ila nauna na nga affidavit.
Suno sa mamalidha, wala sang kamatuoran ang alegasyon kag napamatud-an lamang diri ang gina-alegar pagset-up sa iya.
Suno kay Romualdez, ang pagbawi sang ”maleta boys” sa ila statement ang nagapamatuod lamang nga sala kag himo-himo lamang ang mga alegasyon batok sa iya tuhoy sa flood control anomalies.
Dugang pa sang kongresista, handa sini atubangon ang tanan nga alegasyon kag pamatud-an ni Romualdez nga inosente ini.
Samtang, ginpahayag naman ni Ombudsman Jesus Crispin Remulla nga mahimo mangatubang sang kaso ang tatlo ka anay bodyguards nga nag-atras sa ila mga nauna nga testimoniya.
Suno diri, indi pabor ang mga korte sa mga pagbawi sang affidavit, ilabi na kun makaduha na ka beses nga naghatag sang magkatuhay nga panaysayon ang mga testigo.
Dugang pa, mahimo man sila malakip sa mga akusado kun indi na sila magserbe bilang testigo.
