Nag-isyu sang subpoena ang Sandiganbayan Third Division para sa mga doktor ni anay House Speaker kag incumbent Leyte 1st District Representative Martin Romualdez nga mag-atubang sa korte sa Setyembre 10 nga hearing angot sa mosyon sang mamalidha natuhoy sa hospital detention.
Ini ang ginkumpirmar ni Atty. Dennis Pulma, clerk of court sa anti-graft court sang Third Division.
Naka-confine gihapon ang anay speaker sa ospital tuga sang heart kag brain-related nga balatian.
Si Romualdez ang nagapangatubang sa karon sang P7.4-billion plunder charge, kaupod ang tatlo ka iban pa may kaangtanan sa kickback scheme sa mga flood control projects.
Ang mga doktor nga ginpa-subpoena amo sanday: Dr. Rody Sy, Dr. Rogelio Libarres, Dr. Kurt Allen Sibayan, kag Dr. Rosalio Torres.
Sang damlag lang, nagpahayag si Assistant Ombudsman Mico Clavano nga pamatukan sang Ombudsman ang mosyon ni Romualdez para sa hospital arrest, kag ginsiling nga mahatagan sang atensyon medikal sa gwa sang ospital ang ginabatyag sang kongresista.
Suno diri, hugot nga ginapamatukan sang prosekusyon ang motion kag nagpahayag nga sila ang maga-request sang grupo sang mga government doctors nga mag-assess kun kinahanglan gid sang confinement ang sakit ni Romualdez.
Dugang pa ni Clavano, kun sarang lang man nga mabulong si Romualdez sa gwa sang ospital, gilayon ini nga i-transfer sa regular nga detention facility kaangay sa mga akusado sa mga non-bailable nga mga kaso.
