Nag-file ang kampo ni Vice President Sara Duterte sang motion to quash batok sa grave threats charge nga ginpasaka sang Department of Justice (DOJ) angot sa iya live-streamed remarks sang Nobyembre 2024.
Sa nasambit nga pahayag ni Duterte, may ginmanduan na ini nga tawo agud ipapatay sanday Pres. Ferdinand Marcos Jr., First Lady Liza Marcos, kag ang anay House Speaker Martin Romualdez, pananglitan siya ang una nga patyon.
Ginkumpirmar ni Prosecutor General Richard Anthony Fadullon ang pag-file sang motion to quash.
Ginpahayag naman ni Fadullon nga ginhatagan ang prosecution sang lima ka adlaw agud magsumiter sang komento sa mosyon.
Madumduman nga nagreklamo ang DOJ sang isa ka count sang grave threats sa idalom sang Article 282 sang Revised Penal Code sa Quezon City Regional Trial Court batok sa bise presidente.
