Suportado ni Interior and Local Government Secretary Jonvic Remulla ang pagpatuman sang total ban sa online gaming platform nga Roblox kasunod sang insidente sang pagpangluthang sa Ateneo de Zamboanga University.
Ginpahayag ni Remulla ang pagduso sang total ban sa Roblox bangud ini ang may link sa dark web.
Partikular man niya nga ginhinambit ang mga ‘first-person shooter games’.
Ginpabutyag ni Remulla ang iya kabalaka sa mga violent content sa online kag sa posible nga epekto sang video games sa mga kabataan.
Gintumod ni Remulla ang nagluntad nga shooting incident sa buluthuan sa Zamboanga sa diin ginapakita sang estudyante sa iya livestream ang armas-luthang nga kaangay sang first person perspective sa mga video games.
Ginpahayag naman sang Roblox sang Marso nga nakatutok sila sa seguridad sang mga kabataan ilabi na sa mga Filipino users.
Suno diri, gindisenyo ang hampang gamit ang filters agud balabagan ang personal nga impormasyon.
Wala man ginatugutan sa chat features ang pagbaylohanay sang mga imahe ukon video sa tunga sang mga users.
