Pres. Bongbong Marcos, nanawagan sa mga private hospitals nga magkoordinar sa PhilHealth sa implementasyon sang ‘no co-payment policy’

Nagpanawagan si President Ferdinand Marcos Jr. sa mga pribado nga ospital nga magkoordinar sa PhilHealth sa pagpatuman sang ‘no co-payment policy’ agud mabuhinan ang galastuson sang mga pasyente.

Sa pagpirma sini sang Memorandum of Agreement sa tunga sang PhilHealth kag St. Luke’s Medical Center, ginpahayag sang Presidente nga indi dapat mangin problema ang kakulangan sa kwarta para maka-avail sang kinahanglan nga serbisyo medikal.

Kabahin sa tikang sang gobyerno ang Zero Balance Billing sa mga DOH hospital, medical assistance para sa indigent patients, kag pagpasangkad sang PhilHealth benefits.

Gin-agda sini ang iban pa nga mga ospital sa pungsod nga suportahan ang no co-payment policy.