Wala nahadlok ukon nagakabalaka ang prosecution panel nga i-cross-examine ang chief security officer sang OVP nga si Col. Dante Lachica pananglitan ipatawag ini sang defense panel.
Suno kay Prosecution Legal Spokesperson Atty. Benjamin Tolosa, wala pa nakadesisyon ang ila nga bahin kun pagatawgon bilang hostile witness si Lachica.
Suno diri, ginabanta pa nila kun bala kinahanglanon gid ang testimonya ni Lachica.
May risgo man nga posible indi ini magsugid sang kamatuoran.
Ginpahayag ni Tolosa nga supisyente na ang iban nga testimonya kag dokumento nga napresentar sa korte, kalakip ang mga pahayag ni Gina Acosta sa mga hearing sang House of Representatives kag ang mga obserbasyon sang COA auditors.
Suno sa mamalidha, handa sila nga i-cross-examine si Lachica kun paga-imbitahan ini sang defense panel.
