Nagsaka na sa 350 ang kumpirmado nga ginbawian sang kabuhi kasunod sang malapad nga flash flood sa Northern Nepal sang Miyerkules, Agosto 26, samtang padayon ang search and rescue operations para sa ginatos nga nadula.
Santo sa Nepal National Disaster Risk Reduction and Management Authority, 258 na ka bangkay ang narekober samtang 351 ka indibidwal naman ang naluwas.
Kalakip sa masobra 1000 reported missing ang kapin 700 ka mga foreign citizens.
Naggamit sang mga helicopter ang mga rescue team sa Nepal agud ibakwit ang linibo nga residente nga na-isolate sa mga banwa kag patag.
Nagahulog man sila sang mga tent, pagkaon, kag iban pa nga emergency supplies.
Santo sa mga eksperto, posible nga nag-umpisa ang pagbaha sa pagkatiphag sang glacier.
Nagpaandam naman ang disaster authority sang Nepal nga padayon nga nagasaka ang tubig sa isa ka linaw nga nagtipon matapos mabalabagan ang suba, kag may risgo ini nga hinali lang mag-awas.
